2016 jylǵy 19 qańtar, Astana qalasy
Jalpy bilim beretin pánder boıynsha halyqaralyq olımpıadalar men ǵylymı jobalar konkýrstaryna (ǵylymı jarystarǵa) qatysýshylar quramyn qalyptastyrý qaǵıdalaryn bekitý týraly
«Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 29-2) tarmaqshasyna sáıkes buıyramyn:
1. Qosa berilip otyrǵan Jalpy bilim beretin pánder boıynsha halyqaralyq olımpıadalarǵa men ǵylymı jobalar konkýrstaryna (ǵylymı jarystarǵa) qatysýshylar quramyn qalyptastyrý qaǵıdalary bekitilsin.
2. Mektepke deıingi jáne orta bilim, aqparattyq tehnologııalar departamenti (J.A. Jontaeva) zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryqtyń kóshirmesin Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq Qazaqstan Respýblıkasy normatıvtik quqyqtyq aktileriniń etalondyq baqylaý bankinde ornalastyrý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy;
3) osy buıryqty Qazaqstan Respýblıkasy Bilim jáne ǵylym mınıstrliginiń ınternet-resýrsynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin on jumys kúni ishinde Qazaqstan Respýblıkasy Bilim jáne ǵylym mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Bilim jáne ǵylym vıse-mınıstri E.N. Imanǵalıevke júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Bilim jáne ǵylym mınıstri A. SÁRINJIPOV
Qazaqstan Respýblıkasynyń Bilim jáne ǵylym mınıstriniń 2016 jylǵy 19 qańtardaǵy №45 buıryǵymen bekitilgen
Jalpy bilim beretin pánder boıynsha halyqaralyq olımpıadalar men ǵylymı jobalar konkýrstaryna (ǵylymı jarystarǵa) qatysýshylar quramyn qalyptastyrý qaǵıdalary
1. Jalpy tártibi
1. Osy Jalpy bilim beretin pánder boıynsha halyqaralyq olımpıadalar men ǵylymı jobalar konkýrstaryna (ǵylymı jarystarǵa) qatysýshylar quramyn qalyptastyrý qaǵıdalary (budan ári - Qaǵıdalar) «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 29-2) tarmaqshasyna (budan ári – Zań) sáıkes ázirlengen jáne bilim alýshylardy kórsetilgen halyqaralyq zııatkerlik jarystarǵa qatysýshylar quramyna irikteý tártibin anyqtaıdy.
2. Osy Qaǵıdalarda mynadaı anyqtamalar qoldanylady:
1) jalpy bilim beretin pánder boıynsha halyqaralyq ǵylymı jobalar konkýrstary (ǵylymı jarystar) – bilim alýshylar ǵylymı joba túrinde qorǵaıtyn, zertteý, eksperıment, tujyrymdama jasaý jáne teorııany praktıka barysynda zertteý arqyly jalpy bilim beretin pánder boıynsha alǵan ǵylymı bilimderin anyqtaýǵa múmkindik beretin halyqaralyq zııatkerlik jarystardyń nysany;
2) jalpy bilim beretin pánder boıynsha halyqaralyq olımpıadalar –qatysýshylardyń derekti materıaldy meńgerý boıynsha bilimin, shyǵarmashylyq turǵydan oılaýyn anyqtaýmen qatar, alǵan bilimin praktıkada qoldana bilýge múmkindik beretin belgili bilim berý salasynda halyqaralyq zııatkerlik jarystar ótkizý nysany;
3) jeńimpazdar – birinshi, ekinshi nemese úshinshi dárejeli dıplomdarmen, qurmet gramotalarymen marapattalǵan zııatkerlik jarystardyń qatysýshylary;
4) qatysýshylardyń qurama komandasynyń músheleri – negizgi orta jáne jalpy orta bilim beretin uıymdardyń sońǵy 2 jylda olımpıadalar men ǵylymı jobalar konkýrstaryna (ǵylymı jarystarǵa) qatysqan, jalpy bilim beretin pánder boıynsha belgili jetistikterge jetip, ǵylym negizderi aıasynda jetistikteri bar 9-11 (12)-synyp oqýshylary;
5) qurama komanda músheleriniń jetekshileri - jarys ótetin jerge deıin jáne keri alyp qaıtý jolynda, jalpy bilim beretin pánder boıynsha halyqaralyq olımpıadalar men ǵylymı jobalar konkýrstarynyń (ǵylymı jarystardyń) ótý arysynda qatysýshylardyń ómir qaýipsizdigin, sondaı-aq, zııatkerlik jarystarǵa qatysýshylardyń daıyndyq deńgeılerin qamtamasyz etetin jaýapty tulǵa.
3. Jalpy bilim beretin pánder boıynsha halyqaralyq olımpıadalar men ǵylymı jobalar konkýrstaryna (ǵylymı jarystarǵa) qatysýshylardyń quramyna qurama komanda músheleri jáne olardyń jetekshileri kiredi (qajetine qaraı ǵylymı jetekshiler, baqylaýshylar, halyqaralyq olımpıada komıtetteriniń músheleri engiziledi).
4. Jalpy bilim beretin pánder boıynsha halyqaralyq olımpıadalar men ǵylymı jobalar konkýrstaryna (ǵylymı jarystarǵa) qatysýshylardyń jalpy sandyq quramy halyqaralyq olımpıadalar men ǵylymı jobalardyń (ǵylymı jarystardyń) uıymdastyrý komıtetteriniń shaqyrýy negizinde qalyptastyrylady.
5. Halyqaralyq zııatkerlik jarystar jalpy bilim beretin pánder boıynsha olımpıadalar men ǵylymı jobalar konkýrstaryna (ǵylymı jarystarǵa) bólinedi.
Jalpy bilim beretin pánder boıynsha halyqaralyq olımpıadalar ishteı nemese qashyqtyq rejıminde ótkiziledi.
2. Ishteı ótkiziletin jalpy bilim beretin pánder boıynsha halyqaralyq olımpıadalarǵa qatysýshylardyń quramyn qalyptastyrý tártibi
6. Ishteı ótkiziletin jalpy bilim beretin pánder boıynsha halyqaralyq olımpıadalarǵa qatysýshylardyń quramy naqty olımpıadanyń talaptaryn eskere otyryp 8-11(12)-synyptardyń oqýshylary arasynan, jasóspirimderdiń jalpy bilim beretin pánder boıynsha halyqaralyq olımpıadalary úshin 7-9-synyp oqýshylarynan quralady.
7. Jalpy bilim beretin pánder boıynsha halyqaralyq olımpıadalarǵa qatysýshylardyń quramyn qalyptastyrý maqsatynda oqý-daıyndyq jıyndary nemese oblystyq, Astana, Almaty qalalarynyń bilim basqarmalary, derbes, respýblıkalyq bilim berý uıymdary, joǵary oqý oryndarynyń janyndaǵy jekemenshik bilim berý uıymdary, halyqaralyq mektepter, oqý-saýyqtyrý ortalyqtary deńgeıinde bilim alýshylardy irikteý ótedi.
8. Jalpy bilim beretin pánder boıynsha oqý-daıyndyq jıyndaryn bilim berý salasyndaǵy ýákiletti organ ótkizedi.
Oqý-daıyndyq jıyndaryna qatysýshylar:
1) aǵymdaǵy oqý jylynda jalpy bilim beretin pánder boıynsha respýblıkalyq olımpıadalardyń qorytyndy kezeńiniń jeńimpazy atanǵan 8-11 (12) synyp oqýshylary;
2) sońǵy eki jylda tıisti beıindik pánder boıynsha jalpy bilim beretin pánderden respýblıkalyq olımpıadalardyń qorytyndy kezeńderiniń jeńimpazdary bolyp tabylatyn aǵymdaǵy oqý jylynyń orta bilim berý uıymdarynyń túlekteri;
3) tıisti beıindik pán boıynsha sońǵy eki jylda oqý-daıyndyq jıyndaryna qatysýshylar.
Jalpy bilim beretin pánder boıynsha halyqaralyq olımpıadalarǵa qatysýshylar quramyna qosý úshin birdeı ball jınaǵan jaǵdaıda basymdyq pándik halyqaralyq olımpıadalardyń jeńimpazdary, 7-9 synyp oqýshylaryna beriledi.
9. Halyqaralyq olımpıadalarǵa qatysý úshin oqý-daıyndyq jıyndaryna oqýshylar quramyn qalyptastyrý bilim berý uıymdary basshylarynyń usynystaryn eskere otyryp, bilim berý salasynyń ýákiletti organy anyqtaıdy.
10. Oqý-daıyndyq jıyndaryn ótkizýdi oqý-daıyndyq jıyndarynyń jetekshileri júzege asyrady.
11. Jalpy bilim beretin pánder boıynsha oqý-daıyndyq jıyndarynyń jetekshileri, tıisti pánder boıynsha olımpıada tapsyrmalaryn qurastyrýda jáne halyqaralyq olımpıadalarǵa qatysýda tájirıbeleri bar, otandyq jáne sheteldik joǵary oqý oryndarynyń oqytýshylary taǵaıyndalady.
12. Jalpy bilim beretin pánder boıynsha oqý-tanymdyq jıyndarynyń birinshi kezeńiniń qatysýshylaryn joǵary ball jınaǵan jalpy bilim beretin pánder boıynsha respýblıkalyq olımpıadasynyń qorytyndy kezeńiniń qazylar alqasynyń quramy jalpy bilim beretin pánder boıynsha respýblıkalyq olımpıadanyń jeńimpazdary men júldegerleriniń quramynan, ótken oqý jyldarynyń oqý-daıyndyq jıyndarynda joǵary ball jınaǵan qatysýshylar, ishteı jáne qashyqtyqtan ótken halyqaralyq olımpıadalardyń jeńimpazdarynyń arasynan anyqtaıdy.
13. Oqý-daıyndyq jıyndarynyń birinshi kezeńine qatysýshylardyń sandyq quramy halyqaralyq uıymdastyrý komıteti belgilegen halyqaralyq olımpıadaǵa qatysýshylardyń sanyna sáıkes úsh ese ulǵaıtylǵan sanymen anyqtalady.
14. Jalpy bilim beretin pánder boıynsha oqý-daıyndyq jıyndarynyń uzaqtyǵy kúntizbelik 12 kúnnen 14 kúnge deıingi ýaqytty quraıdy.
15. Oblystyq, Astana, Almaty qalalarynyń bilim basqarmalary, derbes, respýblıkalyq bilim berý uıymdary, joǵary oqý oryndarynyń janyndaǵy jekemenshik bilim berý uıymdary, halyqaralyq mektepter, oqý-saýyqtyrý ortalyqtary ótkizetin oqýshylardy irikteý qorytyndysy hattama túrinde resimdelip, ótinim túrinde bilim berý salasyndaǵy ýákiletti organǵa jiberiledi.
16. Jalpy bilim beretin pánder boıynsha halyqaralyq olımpıadalarǵa qatysýshylar quramyn qalyptastyrýda oqý-daıyndyq jıyndarynyń nátıjeleri, ótinimder, jalpy bilim beretin pánder boıynsha respýblıkalyq olımpıadanyń qorytyndy kezeńniń nátıjesi, aldyndaǵy jyldardyń jáne aǵymdaǵy jyldyń halyqaralyq olımpıadalar nátıjeleri, bilim alýshylardyń halyqaralyq olımpıadada joǵary nátıjege jeteleıtin adamgershilik, iskerlik qasıetteri esepke alynady.
17. Tizbesin Zańnyń 5-babynyń 29-1) tarmaqshasyna sáıkes bilim berý salasyndaǵy ýákiletti organ aıqyndaıtyn (budan ári – Tizbe) ishteı ótkiziletin jalpy bilim beretin pánder boıynsha halyqaralyq olımpıadalarǵa qatysýshylardyń quramy bilim berý salasyndaǵy ýákiletti organnyń buıryǵymen bekitiledi.
18. Ár jalpy bilim beretin pán boıynsha halyqaralyq olımpıadaǵa qatysýshylar men jetekshilerdiń sandyq quramyn tıisti halyqaralyq olımpıadany ótkizý qaǵıdalaryna sáıkes uıymdastyrý komıteti anyqtaıdy.
3. Qashyqtyq rejıminde ótkiziletin jalpy bilim beretin pánder boıynsha halyqaralyq olımpıadalarǵa qatysýshylardyń quramyn qalyptastyrý tártibi
19. Qashyqtyq rejıminde ótkiziletin jalpy bilim beretin pánder boıynsha halyqaralyq olımpıadalarǵa qatysýshylardyń quramy naqty olımpıadanyń talaptaryn eskere otyryp, jalpy bilim beretin pánder boıynsha respýblıkalyq (oblystyq) olımpıadalardyń úshinshi kezeńiniń jeńimpazdary qatarynan nemese halyqaralyq olımpıadanyń resmı saıtyna óz betinshe tirkelgen jáne irikteý kezeńinen ótken jalpy orta bilim berý uıymdarynyń 9-11(12)-synyptarynyń oqýshylarynan jeke nemese komanda quramynda qalyptastyrylady.
20. Irikteý kezeńine qatysýshy oqýshylar óz betinshe nemese komandalar sany shektelmeıdi.
21. Qashyqtyqtan ótkiziletin jalpy bilim beretin pánder boıynsha olımpıadanyń irikteý kezeńiniń qorytyndysy boıynsha joǵary ball jınaǵan bilim alýshylar nemese komandalar jalpy bilim beretin pánder boıynsha halyqaralyq olımpıadaǵa qatysýshylar retinde iriktelip alynady.
22. Tizbesin Zańnyń 5-babynyń 29-1) tarmaqshasyna sáıkes bilim berý salasyndaǵy ýákiletti organ aıqyndaıtyn qashyqtyqtan ótkiziletin ár jalpy bilim beretin pánder boıynsha halyqaralyq olımpıadalarǵa qatysýshylardyń quramy bilim berý salasyndaǵy ýákiletti organnyń buıryǵymen bekitiledi.
4. Jalpy bilim beretin pánder boıynsha halyqaralyq ǵylymı jobalar konkýrstaryna (ǵylymı jarystarǵa) qatysýshylardyń quramyn qalyptastyrý tártibi
23. Jalpy bilim beretin pánder boıynsha halyqaralyq ǵylymı jobalar konkýrstaryna (ǵylymı jarystarǵa) qatysýshylardyń quramy orta bilim berý uıymdarynyń 9-11(12) synyp oqýshylarynan quralady.
24. Jalpy bilim beretin pánder boıynsha halyqaralyq ǵylymı jobalar konkýrstaryna (ǵylymı jarystarǵa) qatysýshylardyń quramyn qalyptastyrý oblystardyń, Astana jáne Almaty qalalarynyń bilim basqarmalarynyń, derbes, respýblıkalyq bilim berý uıymdarynyń, joǵary oqý oryndary janyndaǵy jeke bilim berý uıymdarynyń, halyqaralyq mektepterdiń, oqý-saýyqtyrý ortalyqtarynyń osy Qaǵıdalarǵa qosymshaǵa sáıkes nysan boıynsha jalpy bilim beretin pánder boıynsha halyqaralyq ǵylymı jobalar konkýrstaryna (ǵylymı jarystarǵa) qatysýshylardyń quramyn qalyptastyrý úshin resmı túrde usynǵan kandıdattardyń ótinimi negizinde júzege asyrylady.
25. Jalpy bilim beretin pánder boıynsha halyqaralyq ǵylymı jobalar konkýrstaryna (ǵylymı jarystarǵa) qatysýshylardyń quramyna enetin óńirlik kandıdattar:
1) aǵymdaǵy oqý jylynyń 15 qyrkúıegine deıin www.daryn.kz saıtynda ǵylymı jobasynyń taqyrybyn tirkegen;
2) Tizbege engen jalpy bilim beretin pánder boıynsha halyqaralyq ǵylymı jobalar konkýrstarynyń (ǵylymı jarystardyń) jeńimpazdary (qatysýshylary);
3) Tizbege engen tıisti jalpy bilim beretin pán boıynsha aǵymdaǵy oqý jylynyń respýblıkalyq ǵylymı jobalar konkýrstarynyń qorytyndy kezeńiniń jeńimpazdary (qatysýshylary);
4) Tizbege engen tıisti jalpy bilim beretin pán boıynsha aǵymdaǵy oqý jylynyń respýblıkalyq ǵylymı jobalar konkýrstarynyń úshinshi (oblystyq) kezeńniń jeńimpazy/júldegeri bolyp tabylatyn 9-11 (12) synyp oqýshysy bolýy tıis.
26. Jalpy bilim beretin pánder boıynsha halyqaralyq ǵylymı jobalar konkýrstaryna (ǵylymı jarystarǵa) qatysýshylar quramyna óńirlik kandıdattardy irikteý kezinde:
1) birinshi kezekte - Tizbege engen jalpy bilim beretin pánder boıynsha halyqaralyq ǵylymı jobalar konkýrstarynyń (ǵylymı jarystardyń) jeńimpazdary (qatysýshylary);
2) ekinshi kezekte - Tizbege engen tıisti jalpy bilim beretin pán boıynsha aǵymdaǵy oqý jylynyń respýblıkalyq ǵylymı jobalar konkýrstarynyń qorytyndy kezeńiniń jeńimpazdary (qatysýshylary);
3) úshinshi kezekte - Tizbege engen tıisti jalpy bilim beretin pán boıynsha aǵymdaǵy oqý jylynyń respýblıkalyq ǵylymı jobalar konkýrstarynyń úshinshi (oblystyq) kezeńniń jeńimpazdary basymdylyqqa ıe bolady.
27. Ǵylymı jobalardyń taqyryptaryn www.daryn.kz saıtynda tirkeý oblystardyń, Astana jáne Almaty qalalarynyń bilim basqarmalarynyń, derbes, respýblıkalyq bilim berý uıymdarynyń, joǵary oqý oryndary janyndaǵy jeke bilim berý uıymdarynyń, halyqaralyq mektepterdiń, oqý-saýyqtyrý ortalyqtarynyń resmı túrde usynǵan ótinimderi negizinde júzege asyrylady.
О́tinimde:
oqýshynyń tegi, aty, ákesiniń aty (bolǵan jaǵdaıda);
orta bilim beretin uıymnyń ataýy, synyp, oqytý tili;
ǵylymı jobanyń taqyryby;
ǵylymı jetekshiniń tegi, aty, ákesiniń aty (bolǵan jaǵdaıda), ǵylymı ataǵy men dárejesi, laýazymy, jumys orny;
seksııa ataýy;
beıindi páni kórsetilýi tıis.
28. Tizbesin Zańnyń 5-babynyń 29-1) tarmaqshasyna sáıkes bilim berý salasyndaǵy ýákiletti organ aıqyndaıtyn jalpy bilim beretin pánder boıynsha halyqaralyq ǵylymı jobalar konkýrstaryna (ǵylymı jarystarǵa) qatysýshylar quramy bilim berý salasyndaǵy ýákiletti organnyń buıryǵymen bekitiledi.
29. Bilim berý salasyndaǵy ýákiletti organ jalpy bilim beretin pánder boıynsha halyqaralyq ǵylymı jobalar konkýrstaryna (ǵylymı jarystarǵa) qatysýshylardyń quramyn qalyptastyrý kezinde respýblıkalyq ǵylymı jobalar konkýrstarynyń úshinshi (oblystyq) kezeńiniń, tórtinshi (qorytyndy) kezeńiniń, sońǵy eki jyldaǵy halyqaralyq zııatkerlik jarystardyń nátıjelerin, bilim alýshylardyń halyqaralyq jarystarda joǵary nátıjege jeteleıtin adamgershilik, iskerlik qasıetterin esepke alady.
Jalpy bilim beretin pánder boıynsha halyqaralyq olımpıadalarǵa men ǵylymı jobalar konkýrstaryna (ǵylymı jarystarǵa) qatysýshylardyń quramyn qalyptastyrý qaǵıdalaryna qosymsha
Nysan
Jalpy bilim beretin pánder boıynsha halyqaralyq ǵylymı jobalar konkýrstaryna (ǵylymı jarystarǵa) qatysýshylardyń quramyn qalyptastyrý úshin kandıdattardyń ótinimi
____________________________________________________________________
(halyqaralyq ǵylymı jobalar konkýrstarynyń (ǵylymı jarystardyń) ataýy)
qatysýshylar quramyn qalyptastyrý úshin
(oblystardyń, Astana jáne Almaty qalalarynyń bilim basqarmalarynyń, avtonomııalyq, respýblıkalyq bilim berý uıymdarynyń, joǵary oqý oryndary janyndaǵy jeke bilim berý uıymdarynyń, halyqaralyq mektepterdiń, oqý-saýyqtyrý ortalyǵynyń ataýy)
atynan kandıdattarǵa ótinim
№
r/c Bilim alýshynyń tegi, aty, ákesiniń aty (bolǵan jaǵdaıda) Oqytý tili Mektep ataýy, synyp Ǵylymı jobanyń taqyryby Jalpy bilim be-retin pán sek-sııasynyń ataýy Ǵylymı jetekshiniń tegi, aty, ákesiniń aty (bolǵan jaǵdaıda) Bilim alýshynyń jetistikteri
Buıryq Qazaqstan Respýblıkasynyń Ádilet mınıstrliginde 2016 jylǵy 16 aqpanda Normatıvtik quqyqtyq kesimderdi memlekettik tirkeýdiń tizilimine №13088 bolyp engizildi.